Аюулгүй амьдрах сургалтын хөтөлбөрийн хэрэгжилтийг хангах ажлын хүрээнд суралцагчдын бие даалтын 7 хоногийн хугацаанд дүүргийн Ерөнхий боловсролын 8 сургуулийн 1280 сурагчдад танхимын сургалтыг зохион байгуулж, Гал түймэр унтраах, аврах 26 дугаар ангитай танилцуулж, Онцгой байдлын албаны үйл ажиллагааг танилцуулах өдөрлөг арга хэмжээг зохион байгуулсан. Мөн ажлын хүрээнд дүүргийн ерөнхий боловсролын 29 сургуулийн 630 багш, 65 цэцэрлэгийн 685 багш нарт хөтөлбөрийн хэрэгжилтийг ханган ажиллах, гал түймэр, газар хөдлөлт, ахуйн ослоос урьдчилан сэргийлэх, гамшгийн эрсдэлийн ерөнхий үнэлгээг хийх аргачлалын талаар хичээл сургалтыг зохион байгуулан ажилласан талаар Сонгинохайрхан дүүргийн Онцгой байдлын хэлтсээс мэдээллээ.