Наадмын шигшээ тэмцээнд 21 аймаг, есөн дүүргийн 291 дасгалжуулагчийн удирдлага дор нийт 3252 тамирчин 879 багц медалийн төлөө өрсөлдөх ба Баянхонгор аймагт спортын 17, Улаанбаатар хотод спортын 11 төрөлд зохион байгуулагдах тус спортын наадамд Дундговь аймгаас спортын 12 төрлөөр 38 тамирчин өрсөлдөх юм. Энэ удаагийн наадамд спортын албаны-3 хүн, дасгалжуулагч-5 хүн, ширээний теннис төрөлд-3 тамирчин, буудлага төрөлд-5 тамирчин, даамны тэмцээнд-2 тамирчин, шатрын тэмцээнд-1 тамирчин, эмэгтэй пара волейболд-8 тамирчин, эрэгтэй пара волейболын төрөлд-7 тамирчин, пара жүдо бөхийн төрөлд-2 тамирчин, хөнгөн атлетикийн төрөлд-4 тамирчин, таеквондо төрөлд-3 тамирчин, хүндийн өргөлтийн төрөлд-1 тамирчин, самбо бөхийн төрөлд-1 тамирчин, пауэрлифтингийн төрөлд-1 тамирчин оролцож байна. Спортын баг нь 46 хүний бүрэлдэхүүнтэй XVI зуны наадамд оролцоно.