Азийн хөгжлийн банкны санхүүжилтээр зургаан аймагт стандартын тохилог байрыг барьж хөгжлийн бэрхшээлтэй иргэдэд бүх талын цогц үйлчилгээ хүргэхээр зорьж байна. Энэ дагуу Архангай аймагт баригдаж байгаа төвийн барилгын ажлын гүйцэтгэл 70 орчим хувьтай байгаа юм. Ирэх наймдугаар сард ашиглалтад оруулахаар төлөвлөж байгааг барилгын гүйцэтгэгч компани танилцууллаа. Цаашид бүх аймагт энэ загварын дагуу жишиг хөгжлийн бэрхшээлтэй хүний хөгжлийн төв байгуулахаар зорьж байна.