"Сайншанд хот байгуулалтын ерөнхий төлөлвлөгөөг системтэйгээр хэрэгжүүлэх, дэд бүтэц, хот байгуулалтын бодлого зохицуулалтыг хариуцсан үндсэн чиг үүрэг бүхий хотын захирагчийн ажлын албыг Аймгийн Засаг даргын 2011 оны А/355 тоот захирамжийн дагуу 2011 оны 07 сарын 06 –ны өдрөөс эхлэн байгуулсан. Хотын захирагч бөгөөд сумын Засаг дарга, Хотын Захирагчийн албаны дарга, Ус, дулаан, инженерийн шугам сүлжээ хариуцсан ахлах мэргэжилтэн -1, Хотын ерөнхий архитекторч, төлөвлөлт, барилга байгууламж хариуцсан мэргэжилтэн-1, Гэрэлтүүлэг, цахилгаан, харилцаа холбоо хариуцсан мэргэжилтэн -1, Хотын ногоон байгууламж, хог хаягдал хариуцсан мэргэжилтэн - 1, Авто зам, нийтийн тээвэр хариуцсан мэргэжилтэн, ерөнхий нягтлан бодогч - 1, архив, бичиг хэрэг, нярав гэсэн 9 хүний бүрэлдэхүүнтэй ажиллаж байна. Сайншанд хотын нийт 15-н сууц өмчлөгчдийн холбоо, цэвэр ус, дулаан хангамж, ариутгах татуурга, хариуцсан “Чандмань Илч” ОНӨХХК, хотын тохижилт, нийтийн тээврийн үйл ажиллагаа хариуцсан Сайншанд тохижилт үйлчилгээний газрыг чиг үүргээр ханган хамтран ажиллаж байна. Мөн аймгийн Авто тээврийн газар, авто замын засвар арчлалт хариуцсан “Дорноговь АЗЗА” ТӨХК, БЗӨБЦТСС-ний Дорноговь аймаг дахь салбар, “Чандмань-Илч” ОНӨХХК, Барилга ашиглалт орон сууцны 3-р анги, Эрчим хүч Ус хангамжийн 2-р анги, Мэдээлэл холбоо сүлжээ ТӨХК, үүрэн телефоны Дорноговь аймаг дахь 6 салбартай харилцан хамтран ажилладаг. Улсын болон орон нутгийн хөрөнгө оруулалт, төсөл хөтөлбөрийн хүрээнд хийгдэж буй барилга, авто зам, дэд бүтцийн чиглэлийн бүтээн байгуулалтын ажлуудад орон нутгийн зүгээс хяналт тавьж ажилладаг."