Говьсүмбэр аймгийн Байгаль орчны газар нь анх аймгийн Засаг даргын 2004 оны 04 дүгээр сарын 27-ний өдрийн А/103 дугаар захирамжаар Байгаль орчны алба нэртэйгээр 3 орон тоотойгоор байгуулагдсан. Монгол Улсын Засгийн газрын 2008 оны 12 дугаар сарын 24-ний өдрийн 67 дугаар тогтоолоор баталсан аймгийн Засаг даргын Тамгын газрын ерөнхий бүтэц, орон тоо, удирдлагын бүдүүвчийн дагуу 2009 оноос Байгаль орчин, аялал жуулчлалын газар нэртэйгээр /дотроо Ус цаг уур орчны шинжилгээний албатай/ байгуулагдсан. Мөн Засгийн газрын 2024 оны 07 сарын 24-ний өдрийн “Зарим яамдын зохион байгуулалтын бүтэц, орон тооны хязгаар батлах тухай” 06 дугаар тогтоолын 6 дахь заалт, аймгийн Засаг даргын 2024 оны А/286 дугаар захирамжийн дагуу Байгаль орчин, аялал жуулчлалын газар нь “Байгаль орчны газар” болж, нэр чиг үүрэгт өөрчлөлт орсон билээ. Аймгийн нутаг дэвсгэрт байгаль орчныг хамгаалах, байгалийн баялгийг зохистой ашиглах, нөхөн сэргээх, талаар явуулж байгаа төрийн бодлого шийдвэрийг хэрэгжүүлэх үүрэг бүхий төрийн захиргааны орон нутгийн байгууллага юм.