Тус сумын хүүхдийн цэцэрлэг нь одоогоос 60 жилийн өмнө 1961 онд Дундговь аймгийн Чойр сум гэдэгт Ардын гэгээрэлийн даргын тушаалаар анхны эрхлэгчээр Лувсанжамц, хүмүүжүүлэгч багшаар Тогооч гэдэг хүмүүс томилогдон 15 ор, 4 ажилчинтайгаар анх байгуулагдаж байсан. Зах зээлийн давлагаанд нэг үе хаагдаж 1992 оноос 25 хүүхдийг хүлээн авч, нийт 8 ажилчинтайгаар үйл ажиллагааг явуулж байгаад 2001 оноос хойш 50 хүүхдийн ортой, нийт 11 ажилчинтай СӨБ- ын үйл ажиллагааг явуулж байна. 2008 онд Сумын Засаг дарга Т.Түмэндэлгэрийн санаачлагаар МУ-ын Ерөнхий сайд, УИХ-ын гишүүн, БХБайгуулалтын яамны сайд агсан Ж.Наранцацралтын дэмжлэгээр улсын төсвийн хөрөнгө оруулалтаар 150 сая төгрөгийн өртөгтэй орчин үеийн зориулалтын тохилог барилгатай болсон. 2022-2023 хичээлийн жилд ердийн бүлгээр 46, хувилбар сургалтаар 12 хүүхдэд, нийт 71 хүүхдэд сургуулийн өмнөх боловсролыг олгож байна. Өөр аймаг суманд 26 хүүхэд хамрагдаж байна Тус цэцэрлэг нь жилээс жилд өргөжин хөгжиж, боловсон хүчин, материаллаг баазаа бэхжүүлж, хүүхдийн авьяас сонирхолыг нээн илрүүлж, боловсролын чанарын шинэчлэл Сайжруулсан сургалтын хөтөлбөрийг хэрэгжүүлэн ажиллаж байна. Хүний нөөц: Цэцэрлэгийн бүтэц бүрэлдэхүүн нийт 12 ажиллагсадтай. Үүнээс: Эрхлэгч 1, Багш 2, Туслах багш 2, Нягтлан бодогч 0.5, Эмч 0.5, Нярав 1, Тогооч 1, Үйлчлэгч 1, Жижүүр 3 гэсэн орон тоотой ажиллаж байна. Эрхлэгч, багш, нягтлан бодогч, эмч нар нь 100% мэргэжлийн бакалаврын дээд боловсролтой, Туслах багш,тогооч нар 100 хувь, нярав, жижүүр нарын 50 хувь нь тус тус сургалтад хамрагдаж, мэргэжлийн үнэмлэхтэй. Багш нарыг өөрийн орон нутгийн боловсон хүчнээр хангаж, цаашид тогтвор суурьшилтай ажиллах боломжийг бүрдүүлсэн.