Сумын төв <<Хараат>> нь нийслэл Улаанбаатараас 200км, Говь-Сүмбэр аймгаас 62км, Дундговь аймгийн төвөөс 150км зайтай орших бөгөөд 342.8 мянган га нутаг дэвсгэрийг эзэлдэг. Газар зүйн байршил. Цагаандэлгэр сум Монголын дорнод талын их мужийн ухаа гүвийн талын дэд мужид оршино. Хойд зүүн хойд талаараа Төв аймгийн Баянцагаан, Баян уул, зүүн урд талаараа Говь-Сүмбэр аймгийн Сүмбэр сум, Баянтал, урд баруун урд талаараа Дундговь аймгийн Говь-Угтаал, Дэрэн сумтай хиллэж аймгийнхаа нутгийн зүүн хойд талд нь байрладаг.