Жендэрийн үндэсний хорооноос хэрэгжүүлж буй менторшип хөтөлбөрийн ментороор манай аймагт ЖҮХ-ны зөвлөх, шинжээч МУИС-ийн багш Доктор.Проф Н.Болдмаа ажиллаж байна. Тус хөтөлбөрийн хүрээнд аймгийн жендэрийн орон тооны бус мэргэжилтнүүдийг чадавхжуулах цахим сургалт, шийдвэр гаргах түвшин дэх эмэгтэйчүүдийн оролцоо сэдэвт хэлэлцүүлгийг өнөөдөр зохион байгуулж, уг хэлэлцүүлэгт аймгийн Засаг даргын Тамгын газрын эмэгтэй хэлтсийн дарга, агентлаг байгууллага, сумдын Засаг даргын Тамгын газрын эмэгтэй удирдлагууд танхимаар, жендэрийн дэд хороо, зөвлөлийн нарийн бичгийн дарга нар цахимаар хамрагдаж байна. Хэлэлцүүлэгт оролцсоноор жендэрийн үзэл баримтлалыг бодлого, хөтөлбөр, төсөвт тусгахад шаардлагатай арга зүйд суралцаж, практик ур чадвараа бэхжүүлэх юм.
