МАЛЧДЫН ТУРШЛАГА СОЛИЛЦОХ УУЛЗАЛТ ЗОХИОН БАЙГУУЛЛАА

Малгүй болон цөөн малтай малчдад мал маллах арга ухааны сургалтыг зохион байгуулах, туршлагатай сайн малчдын туршлагыг түгээн дэлгэрүүлэх, залуу малчдыг чадавхжуулах зорилгоор туршлага солилцох уулзалт, арга хэмжээг зохион байгууллаа.

Арга хэмжээнд

Сайн туршлагатай малчдын төлөөлөл

Малчин өрхийг малжуулах арга хэмжээнд хамрагдсан малчид оролцов. Энэ жил 13 сумын 160 малчин өрхийг малжуулах арга хэмжээнд хамруулан 1.3 тэрбум төгрөгөөр 13308 толгой мал худалдан авч, хүлээлгэн өглөө.

Уулзалтын үеэр Аймгийн засаг даргын орлогч К.Бахытжан, Хөдөлмөр, халамжийн үйлчилгээний газрын дарга А.Галия, Хүнс, хөдөө аж ахуйн газрын дарга Б.Нургулан, Мал эмнэлгийн газрын Мал, амьтны эрүүл мэндийн албаны дарга Т.Ергали, Татварын газрын дарга Т.Фестиваль, Нийгмийн даатгалын газрын мэргэжилтэн Н.Жанарбек нар холбогдох мэдээлэл хийв. Үүнд:

Малчдын хөдөлмөр эрхлэлтийг дэмжих арга хэмжээ

Мал маллах арга ухаан

Мал сүргийн эрүүл мэнд, эрүүл малын ашиг тус

Малчдын нийгмийн даатгал

Татварын талаар мэдээлэл зөвлөгөө өгч, малчдад тулгамдаж буй асуудлын талаар зөвлөгөө өгч, санал солилцов.