Шүүхийн шийдвэр гүйцэтгэх ерөнхий газрын харьяа Өмнөговь аймаг дахь Шүүхийн шийдвэр гүйцэтгэх газрын алба хаагчдын ажиллах ая тухтай орчин, нөхцөлийг бүрдүүлэх, төрийн үйлчилгээг иргэдэд шуурхай, хүртээмжтэй хүргэх зорилгоор Даланзадгад сумын “Гэмт хэргээс урьдчилан сэргийлэх салбар зөвлөл”-өөс иж бүрэн суурин 4 компьютер, 6 гар станц, 1 зөөврийн компьютер зэргийг тус газарт хүлээлгэн өглөө.

Эдгээр тоног төхөөрөмжийг Хууль зүй, дотоод хэргийн сайдын эрхлэх асуудлын хүрээнд Өмнөговь аймгийн Засаг даргын 2024 онд авч хэрэгжүүлэх арга хэмжээнд тусгагдсаны дагуу олгож байгаа юм.