Жил бүр уламжлал болгон зохион байгуулагддаг "Цагаан сар" үзэсгэлэн худалдаа энэ жил өргөн цар хүрээтэйгээр "Монгол баяр- Монгол бэлэг" уриатайгаар төвийн бүсийг хамруулан зохион байгуулж байна.

Энэ жилийн "Цагаан сар -2025" үзэсгэлэн худалдаа түрээсийн төлбөргүй, үндэсний үйлдвэрлэлийг дэмжсэн бараа бүтээгдэхүүнийг хэрэглэгчдэд борлуулж буйгаараа онцлогтой юм. Өнөөдөр /2025.02.17/ "Цагаан сар-2025" үзэсгэлэн худалдааны нээлт албан ёсоор боллоо.

Иргэд, хоршоод, ААНБ-ууд өөрсдийн үйлдвэрлэсэн сүү, махан бүтээгдэхүүн, даршилсан ногоо, цагаан идээ, жимс жимсгэнэ, гар урлал, оёмол, бэлэг дурсгал зэрэг бүтээгдэхүүнийг зах зээлийн үнээс харьцангуй хямд үнээр худалдан борлуулж байна.

Хоёр хоногийн хугацаанд үзэсгэлэн худалдаагаар 300 орчим сая төгрөгийн борлуулалт хийгджээ.

Найман хоног үргэлжлэх тус үзэсгэлэнд 253 иргэн, ААНБ-ууд оролцож буй бөгөөд ХААХҮЯ, Жижиг дунд үйлдвэрийн газар, Зээлийн батлан даалтын сан, Дархан-Уул аймгийн ЗДТГ, аймгийн ХХААГ, Монголын Үндэсний Худалдаа Аж үйлдвэрийн Танхим Дархан-уул аймаг дахь салбар хамтран зохион байгуулж байна.

Мөн үзэсгэлэнгийн үеэр урамшуулалт сугалаат худалдаа, бараа бүтээгдэхүүнийг сурталчлах зэрэг олон төрлийн арга хэмжээ явагдана.