ЗХЖШ-ын дарга дэслэгч генерал С.Ганбямба БНСУ-аас Монгол Улсад суугаа Батлан хамгаалахын атташе хурандаа Ин Чоль Пакийг 07 дугаар сарын 24-ний өдөр Зэвсэгт хүчний Жанжин штабт хүлээн авч, хүндэтгэл үзүүлж, Батлан хамгаалахын атташегаар шинээр томилогдсон Нам Гён Жүнд ажлын амжилт хүсэж, дэмжиж ажиллахаа илэрхийлсэн юм. 

     Уулзалтаар ЗХЖШ-ын дарга хоёр орны Зэвсэгт хүчний цэргийн хамтын ажиллагааг бэхжүүлэхэд хурандаа Ин Чоль Пак нь үнэтэй хувь нэмэр оруулсанд талархал илэрхийлж, цаашдын ажил, амьдралд нь эрүүл энх, сайн сайхныг хүслээ.