Төрийн албаны нөөц бүрдүүлэх Ерөнхий шалгалт өнөөдөр /2025.09.17/ өглөө 08:30 минутад улс орон даяар нэгэн зэрэг эхэллээ. Энэ удаагийн шалгалтад орохоор Төв аймгийн хэмжээнд 111 иргэн бүртгүүлсэн бөгөөд шалгалтыг өнөөдөр, маргааш 2 өдөр, зургаан ээлжээр зохион байгуулна. Эхний өдрийн шалгалтын нэгдүгээр ээлжинд 19 иргэн орохоос 13 иргэн шалгалтаа өгч байна. Аймгийн ЗДТГ-ын дарга бөгөөд Төрийн албаны зөвлөлийн Төв аймаг дахь салбар зөвлөлийн дарга С.Цогбаяр ажлын хэсэг байгуулах тухай болон шалгалт зохион байгуулах тухай тогтоолыг танилцуулан шалгалтын бүтэц, анхаарах асуудлаар мэдээлэл өгч, амжилт хүслээ.