Мэдээлэл технологи хурдацтай хөгжихийн хэрээр тус салбарт бодитой хувь нэмэр оруулах, төрийн болон хувийн хэвшлийн байгууллагад тухайн чиглэлээр ажиллах, чадварлаг мэргэжилтний эрэлт хэрэгцээ жил бүр өсөн нэмэгдэж байна.

Энэ цаг үед ахлах ангийн сурагчдын мэдээлэл технологийн ур чадварыг дээшлүүлж, цахим ур чадвартай иргэдийг нэмэгдүүлэх зорилгоор Говь-Алтай аймгийн Засаг даргын дэргэд мэдээлэл технологийн ХУРДАН клубийг байгуулж, өнөөдөр нээлтээ хийж , хүүхдүүдээ батламжиллаа.

Клубийн нээлтэд Улсын их хурлын гишүүн О.Амгаланбаатар, Цахим хөгжил, инновац, харилцаа холбооны яамны Захиргаа удирдлагын газрын дарга Д.Батбилэг Говь-Алтай аймгийн Засаг дарга Г. Чинбат, Аймгийн Засаг даргын Тамгын газрын дарга Ш.Эрдэнэбат, Говь-Алтай аймаг дахь Төрийн цахим үйлчилгээний хэлтсийн дарга Б. Оюунцэцэг нар оролцлоо.

Клубээр дамжуулан хүүхэд залуусын цахим зөв хэрэглээ, технологийн дэвшлийн талаарх ойлголтыг нэмэгдүүлж, тэдний идэвх оролцоонд тулгуурлан нийгмийн хүрээлэлд нөлөөлөх , ирээдүйн мэргэжил боловсролоо сонгон суралцахад нь дэмжлэг үзүүлэх юм.

Клубийн сурагчид мэдээллийн технологийн чиглэлээр гадаад, дотоодын төсөл хөтөлбөрт хамрагдах боломж нээгдэж байна.

АЛТАЙН ХУРДАН ХҮҮХДҮҮД, АМЖИЛТААР ТҮҮЧЭЭЛНЭ

Хамтран ажилласан

Цахим хөгжил, инновац, харилцаа холбооны яам

Төрийн цахим үйлчилгээний зохицуулалтын газар

Говь-Алтай аймгийн Засаг даргын Тамгын газар

Говь-Алтай аймаг дахь Төрийн цахим үйлчилгээний хэлтэс

Говь-Алтай аймгийн Боловсролын газар

Говь-Алтай аймгийн Хүүхэд, гэр бүлийн хөгжил, хамгааллын газар

Говь-Алтай аймгийн Насан туршийн суралцахуйн төв баярлалаа