Энэ жилийн Таван богд дахь мөстөл судлалын судалгаа, шинжилгээний ажил 6 дугаар сарын 18-нд эхэллээ. Эхний ээлжинд Мөстөл судлалын технологич инженер Б.Сержума, техникч О.Нурбол нар ажиллаж байна. Потанин, Александрын мөсөн голуудын хайлалтыг хэмжих P1L, P2L, P3L, P4L, P1C, P2C, P3C, P4C, P1R, P2R, P3R, P4R, A1, A2, A3 шонгуудыг хуучин байршилаас дээш 200 метрийн зайнд шилжүүлэн хэмжилт хийж эхлэв. Үлдсэн P5C, P5R хоёр шонгийн хэмжилтыг үргэлжлүүлэн хийж байна. Таван богдад одоогоор цас багатай, уур амьсгал нэлээд дулаан халуун болох төлөвтэй байгаа ба үүнийгээ дагаад мөсний хайлалт ихсэх магадлалтай байна. Мөстөл судлалын инженер Н.Юра