Аймгийн Засаг даргын “Өсөлттэй Өмнөговь” хөтөлбөр “Говийн Ирээдүй-Хүүхэд” хөтөлбөрийн хүрээнд ирээдүйн бүжигчдийн залгамж халааг бэлтгэх, бүжгийн урлагийг сурталчлах, түгээн дэлгэрүүлэх, орчин үеийн бүжгийн хэм хэмнэл, хөдөлгөөний ур чадварыг шинэ түвшинд хүргэх зорилго бүхий “ГОВИЙН ЖОНОН” зүүн бүсийн хамтлаг бүжгийн наадам 34 дэх жилдээ амжилттай зохион байгуулагдаж өндөрлөлөө. Энэхүү наадамд, Дорноговь , Говьсүмбэр , Дорнод, Өмнөговь аймгийн нийт 34 хамтлаг, 820 гаруй хүүхэд оролцлоо.