2025-06-11 Улаанхус сумын Ерөнхий Боловсролын 1 дүгээр сургуулийн 12 дугаар ангийн төгсөгчдийн мөнгөн хонхны баярын үйл ажиллагаа аз жаргал, баяр хөөр, бахдам амжилтаар дүүрэн болж өнгөрлөө. Сумын удирдлагууд сурагчдад мөнгөн хонхны баярын мэнд хүргэж, урлаг спорт, сурлагаараа бусдыгаа манлайлан онцгой амжилт гаргасан сурагчдад шагнал гардууллаа. ЭРХЭМ сурагчид, түмний хүүхдийн төлөө эрдэм боловсрол олгох үйлсэд авьяас чадвар, ур ухаан бүхий л зүйлээ харамгүй зориулж яваа багш сурган хүмүүжүүлэгчид, өөрсдийн үр хүүхдийн төлөө цаг үргэлж санаа тавин зүтгэж явдаг эцэг эхчүүд та бүхэндээ Мөнгөн хонхны баярын мэндийг хүргэе.