Түүхэн тодорхой орон зай, цаг үеийн аль нэг хэсгийг төлөөлж чадах байгаль, нийгэм, түүх, соёл, урлаг, шинжлэх ухааны үнэ цэнэ, ач холбогдол бүхий эд өлгийн болон оюуны үнэт зүйлс. Соёлын өвийн объект нь хадгалалтын байдлаас үл хамааран газар, байгууламж (бүтээл), цогцолбор (чуулга), тэдгээрийн эд анги, холбогдох нутаг дэвсгэр, бусад байгалийн, байгалийн антропоген болон хүний гараар бүтсэн объект юм. Археологи, антропологи, гоо зүй, угсаатны зүй, түүх, шинжлэх ухаан, урлагийн үүднээс цаг хугацааны туршид үнэ цэнийг хадгалж, жинхэнэ байдлаа хадгалсан байдаг.