Монгол Улсаас Бүгд Найрамдах Турк Улсад суугаа Онц бөгөөд Бүрэн эрхт Элчин сайд Г.Мөнхбаяр Туркийн Үндэсний аюулгүй байдлын зөвлөлийн Ерөнхий нарийн бичгийн дарга Окай Мемиштэй 2025 оны 8 дугаар сарын 12-ны өдөр уулзав. 

Уулзалтын үеэр Элчин сайд Г.Мөнхбаяр Монгол, Туркийн харилцаа хамтын ажиллагаа сүүлийн жилүүдэд эрчимтэй хөгжиж, дээд, өндөр хэмжээний айлчлалын тоо нэмэгдэж буйг онцлон тэмдэглэж, цаашид хэрэгжүүлэх айлчлал, арга хэмжээний талаар санал солилцов. 

Түүнчлэн Үндэсний аюулгүй байдлын зөвлөл болон тусгайлсан чиг үүрэгтэй бусад байгууллага хоорондын хамтын ажиллагаа өргөжин хөгжиж буйг онцлон ярилцав.