Төв аймгийн солонгос хэл сонирхон суралцдаг ахлах ангийн 20 сурагч 2025 оны 5 дугаар сарын 29, 30-ны өдрүүдэд зохион байгуулагдсан цахим сургалт болон соёлын солилцооны хөтөлбөрт амжилттай хамрагдлаа. Энэхүү хөтөлбөрийг Бүгд Найрамдах Солонгос Улсын Пёнтек хотын “Пёнтек олон улсын харилцааны сан”-тай хамтран зохион байгуулсан ба сурагчид солонгос хэлний мэдлэгээ сайжруулахаас гадна тус улсын түүх, уламжлал, орчин үеийн соёлын талаар илүү гүн ойлголт авч, соёлын харилцаагаа тэлэх боломжийг бүрдүүлснээрээ онцлогтой байв. Цахим хэлбэрээр зохион байгуулагдсан тус хөтөлбөр нь орон нутгийн сурагчдын хэл сурах идэвхийг нэмэгдүүлж, олон улсын харилцааны мэдлэгийг нэмэгдүүлэх зорилготой ба хоёр орны залуусын харилцан ойлголцол, найрсаг харилцааг хөгжүүлэхэд чиглэсэн чухал үйл ажиллагаа болсон юм.