Цагааннуур нь Баян-Өлгий аймгийн Ногооннуур сумын нутаг дэвсгэрт орших тосгон. Тус тосгон нь 1925 онд байгуулагдсан, Ховд аймгийн Эрдэнэ-Хайрхан сумын харьяанд байсан. Цагааннуур тосгоны оршин буй газар нутаг нь Ногооннуур сумын нутаг дэвсгэрт байрладаг. Засаг захиргаа нэгжийн хувьд Ногооннуур сумын 9 дүгээр баг бөгөөд Цагааннуур тосгон. Тосгон нь бие даасан статусаараа төрийн ажил үйлчилгээг хэрэгжүүлэн ажилладаг. Захирагч нь үйл ажиллагаагаа хэрэгжүүлэх ажлын албатай байна. Хот тосгоны удирдлага нь захирагч, зөвлөлөөс бүрдэнэ. Хот тосгоны зөвлөлийг захирагч тэргүүлнэ. Захирагч нь хийсэн ажлаа тосгоны оршин суугчдад жилд 2 –оос доошгүй удаа тайлагнана. Одоо Цагааннуур тосгоны төв, Улаанбайшинт, Холбоонуур, хөдөөгийн малчид нийт 407 өрхөд 1773 хүн амьдардаг. Тосгон нь газар зүйн байршлын хувьд Баян-Өлгий аймгийн баруун хойд хэсэг, Ногооннуур сумын зүүн хэсэгт оршдог.Нийт нутаг дэвсгэр 36000 га бөгөөд үүнээс МАА-н бэлчээрийн газар 33332 га, хадлангийн талбай 5 га, усан сан бүхий газар 1500 га, Тусгай хэрэгцээний газар/худалдааны чөлөөт бүс/ 708 га , хот суурин газар 460 га талбайг тус тус эзэлдэг.Тосгоны төв далайн түвшнээс дээш 2115м, хамгийн өндөр цэг Хар Магнайн уул далайн түвшнээс дээш 2610м өндөр өргөгдсөн.