Монголын хичээлийн судалгааны нийгэмлэг, боловсролын байгууллагуудтай хамтран 2013 оноос хүүхдийн хөгжлийг дэмжсэн багшлах шинэлэг арга зүй, туршлагаа хуваалцах, түгээн дэлгэрүүлэх, хөгжүүлэх зорилгоор “Хүүхдийн хөгжлийг дэмжсэн багшлах арга зүй” онол практикийн бага хурлыг жил бүр зохион байгуулж ирсэн.

Онол практикийн IX бага хурлыг Боловсролын ерөнхий газар, Монголын хичээлийн судалгааны нийгэмлэг хамтран 2025 оны 04 дүгээр сарын 10,11-ний өдрүүдэд зохион байгуулах гэж байна.

ЗОРИЛГО:

Бүх шатны боловсролын байгууллагын багш нар ажлын байрандаа хамтдаа тасралтгүй хөгжих, хүүхдийн хөгжлийг дэмжих, сурлагын хоцрогдлыг бууруулах, багшлах арга зүйг боловсронгуй болгон хөгжүүлэх гол арга зам болох хичээлийн судалгааг үр дүнтэй зохион байгуулах, бий болсон сайн арга зүй, туршлагыг түгээн дэлгэрүүлэх, харилцан туршлага солилцох нөхцөлийг бүрдүүлэх.

ОРОЛЦОГЧИД:

СӨБ, ЕБС-ийн багш, удирдах ажилтан, оюутан, эрдэмтэн судлаач,

Аймаг, нийслэлийн Боловсролын газрын мэргэжилтнүүд,

Боловсролын салбарын мэргэжлийн байгууллагын арга зүйч, судлаач, эрдэм шинжилгээний ажилтан,

Их дээд сургууль, мэргэжлийн боловсролын сургалтын байгууллагын багш, судлаач, багш мэргэжлээр суралцаж буй оюутан суралцагчид багаар болон ганцаарчлан оролцож болно.

ХУГАЦАА:

Онол практикийн бага хурал зохион байгуулах: 2025 оны 4 дүгээр сарын 10,11-ний өдрүүдэд, Улаанбаатар хотод

Илтгэл хүлээж авах:

Илтгэлийн хураангуй болон дэлгэрэнгүйг 2025 оны 2 дугаар сарын 25-ны өдрөөс 3 дугаар сарын 10-ны өдрийн 18 цаг хүртэл цахимаар, файл хавсарган илгээх байдлаар ирүүлнэ.

Цахим бүртгэлийн холбоосыг 2025 оны 02 дугаар сарын 03-ны өдөр Боловсролын ерөнхий газрын https://edu.gov.mn/, Монголын хичээлийн судалгааны нийгэмлэгийн https://mals.mn/ вэб хуудаст байршуулна.

ИЛТГЭЛИЙН ХЭЛБЭР:

Судалгааны цар хүрээ, арга, аргачлал, хүрсэн үр дүн зэргээс хамаарч илтгэлийг үндсэн, салбар хуралдааны, ханын илтгэл гэсэн 3 хэлбэрээр хэлэлцэнэ.

Үндсэн илтгэл: Багшлах арга зүй, хичээлийн судалгааны чиглэлээр шинэлэг санаа дэвшүүлсэн, тулгамдаж байгаа асуудал, тэдгээрийг шийдвэрлэх арга зам, цаашдын хөгжлийн чиг хандлагыг илэрхийлсэн нэгдсэн хуралдаанд танилцуулагдах онол, арга зүйн илтгэл байна.

Салбар хуралдааны илтгэл: Багшлах арга зүй, хүүхдийн хөгжил, хамгаалал, хичээлийн судалгааны чиглэлээр хичээлийн хийж байгаа судалгааны ажил, практикт туршиж, хэрэгжүүлсэн шинэлэг, бүтээлч арга туршлагыг сургуульд суурилсан, судлагдахуунд суурилсан, тэгш хамруулах боловсрол гэсэн гурван чиглэлээр хэлэлцэнэ.

Ханын илтгэл: Багшлах арга зүй, хичээлийн судалгааны чиглэлээр сургалт арга зүйн байгууллагын мэргэжилтэн, арга зүйчид, судлаачид, багш бэлтгэх сургуулийн оюутнууд нь хичээлийн судалгааны үр дүнгээ хэвлэмэл (постер) байдлаар танилцуулахаар бэлтгэсэн илтгэл байна.

ИЛТГЭЛ ХЭЛЭЛЦЭХ ҮЕ ШАТ:

Илтгэлийг дараах хоёр үе шаттай хэлэлцэнэ.

• 1-р үе шат: Мэргэжлийн комисс (экспертийн баг) тодорхой шалгуурын дагуу ирүүлсэн илтгэлүүдийг уншиж, онол практикийн бага хуралд хэлэлцэх илтгэлийг сонгоно.

• 2-р үе шат: Онол практикийн бага хуралд сонгогдсон илтгэлийг хэлэлцүүлнэ.

УДИРДАМЖТАЙ ТАНИЛЦАХ БОЛ ЭНД ДАРНА УУ.

https://qr.me-qr.com/GGhtfh9S

БҮРТГҮҮЛЭХ БОЛ ЭНД ДАРНА УУ.