Түүх, соёлын хөдлөх дурсгалт зүйлийн тооллогыг зохион байгуулах Улсын комиссын хурал 2025 оны 08 дугаар сарын 04-ний өдөр Соёл, спорт, аялал жуулчлал, залуучуудын яамны хурлын танхимд боллоо. 📑 Хурлаар Соёлын сайдын 2023 оны А/317 дугаар тушаалаар батлгадсан комисын бүрэлдэхүүн, Соёл, спорт, аялал жуулчлал, залуучуудын сайдын 2025 оны А/253 дугаар тушаалын дагуу Улсын тооллогын удирдамжийн хугацаанд өөрчлөлт оруулж, төлөвлөгөөг шинээр боловсруулан, санал асуулга явуулж, гишүүд болон нарийн бичгийн дарга нарт тодорхой чиглэлүүдийг өглөө. Үүнд: - Түүх, соёлын хөдлөх дурсгалт зүйлийн дэд системд бүртгэгдсэн үзмэр эд өлгийн зүйлийн мэдээллийг нягтлах, хасах, актлах, бүтгэлийн дэвтэр хэвлэхэд бэлтгэх; - Салбар комисс болон тооллогод хамрагдах байгууллагуудад албан бичгээр чиглэл, удирдамж, төлөвлөгөөг хүргүүлэх; - Түүх, соёлын хөдлөх дурсгалт зүйлийн улсын тооллогын гарын авлагад шаардлагатай эрх зүйн баримт бичгийг нэмж тусгах, хэвлэлийн байгууллагад шилжүүлэх, тоолов тэмдгийг хийлгэх. Комисс нь Соёл, спорт, аялал жуулчлал, залуучуудын яам, ЗГХА-Соёлын урлагийн газар, Соёлын өвийн үндэсний төв, Төрийн өмчийн бодлого, зохицуулалтын газар, Үндэсний статистикийн хороо, ШУА-ийн хүрээлэн, зарим музейн төлөөлөл зэрэг 16 гишүүний бүрэлдэхүүнтэй ажиллаж байна. Тооллогод бүртгэл мэдээллийн сан бүрдүүлэгч 320 гаруй байгууллага хамрагдана.
