АРХИВЧДЫН УР ЧАДВАРЫН ТЭМЦЭЭНИЙГ ЗОХИОН БАЙГУУЛЛАА. Батлан хамгаалахын Төв архивын үүсэн байгуулагдсаны 86 жилийн ойг тохиолдуулан тус архивын байгууллагын "Ахмадын зөвлөл"-с жил бүр зохион байгуулагддаг "Архивчдын ур чадварын тэмцээн"-ийг зохион байгуулав. Тус тэмцээнийг Архивын ерөнхий газрын Мэргэжил арга зүйн удирдлагын газартай хамтран зохион байгуулж, Төрийн архивын ажилтнуудын архив, албан хэрэг хөтлөлтийн хууль, журам, стандартын мэдлэг ур чадварыг сорин шилдгүүдийг тодрууллаа. Тус тэмцээний хууль эрх зүйн мэдлэгийг шалгах төрөлд Ахлах зааварлагч-арга зүйч А.Уртнасан, архивын баримтыг нягтлан шалгах, дахин боловсруулалтын төрөлд сэлбэн засагч-операторч Н.Бямбаа, архивын баримтыг цахим хэлбэрт шилжүүлэх төрөлд архивч-операторч А.Цагаанхүү, төрөл тус бүрийн нийлбэр дүнгээр шилжин явах цомыг Фото, дуу авиа, дүрс бичлэгийн сан хөмрөгийн эрхлэгч С.Жалавсүрэн нар тус тус шалгарлаа.