Өмнөговь аймгийн Засаг даргын үйл ажиллагааны “Өсөлттэй Өмнөговь” хөтөлбөрийн хүрээнд Соёлын өв хөтөлбөрийг хэрэгжүүлэх, морин хуурын түүхийг судлах, эрдэмтэн, судлаачдын судалгааны үр дүнг түгээн дэлгэрүүлэх, олны хүртээл болгох залуу судлаачдыг, дэмжих, бэлтгэх зорилгоор УИХ-ын гишүүн, ЭЗБХ-ны дарга Р.Сэддоржийн санаачилгаар “Хөхөө Намжил судлал” эрдэм шинжилгээний хурлыг анх удаа Улаанбаатар хот Шинжлэх ухааны академийн хурлын танхимд зохион байгууллаа.