Шүүхийн шийдвэр гүйцэтгэх ерөнхий газрын харьяа Өмнөговь аймаг дахь Шүүхийн шийдвэр гүйцэтгэх газар байгууллагын үйл ажиллагааг сурталчлан таниулах, ахлагч бүрэлдэхүүний нөөцийг бүрдүүлэх зорилгоор Даланзадгад сумын Ерөнхий боловсролын I, IV, VII дугаар сургуулийн төгсөх ангийн сурагчидтай уулзалт зохион байгууллаа. ✅Энэ үеэр Шүүхийн шийдвэр гүйцэтгэх байгууллагын үйл ажиллагаа, албаны онцлог, Дотоод хэргийн их сургуулийн “Шүүхийн шийдвэр гүйцэтгэл”, “Нийгмийн ажил”, “Аюулгүй байдал судлал” бакалаврын сургалтын хөтөлбөр болон тус байгууллагад ажиллахын давуу талын талаар сурагчдад мэдээлэл өгч, эх оронч үзлийг төлөвшүүлэх захидлыг хүлээлгэн өглөө.