Монополын эсрэг газрын хамт олон “Тэрбум мод” үндэсний хөдөлгөөнийг дэмжих хүрээнд Ойн газраас батлагдсан хуваарийн дагуу өнгөрөгч амралтын өдөр Хан-уул дүүрэгт байрлах “Ногоон хэрэм” төслийн байршилд үхрийн нүд мод тарьж, суулгалаа. Хүн бүр байгалиа нөхөн сэргээх, хамгаалахад гар бие оролцох нөхцөлийг бүрдүүлэх, ногоон байгууламжийг нэмэгдүүлэх зорилгоор мод тарих үндэсний өдрийг жил бүр зохион байгуулдаг уламжлалтай болсон.