Говьсүмбэр аймгийн Засаг даргын 2025 оны 03 дугаар сарын 13-ны өдрийн А/103 тоот захирамжийн дагуу аймгийн хэмжээнд төр, хувийн хэвшлийн хөрөнгө оруулалтаар хэрэгжиж байгаа удаашралтай, дутуу баригдсан барилга байгууламжид дүгнэлт гаргах, тодорхой арга хэмжээг авч ажиллах үүрэг бүхий ажлын хэсэг байгуулагдсан.

Ажлын хэсэг 9 барилга байгууламжийн нөхцөл байдлыг тодорхойлох, цаашид хэрхэн ямар арга хэмжээ авах, барилга угсралтын гүйцэтгэгч, зохиогч талуудтай уулзалт зохион байгуулах, мэргэжлийн байгууллага буюу Бүүвэй цагаан барс ХХК болон улсын байцаагчаар дүгнэлт гаргуулах, ажлын талбайд ажиллах зэрэг ажлуудыг зохион байгуулан ажиллаж байна. Үүний хүрээнд:

•  Жижиг дунд үйлдвэрлэлийг дэмжих төвийн барилга, 

•  Аюултай хог хаягдлын барилга, 

•  Төмөр замын 24 айлын орон сууцны барилгууд 

•  Экосүмбэр хотхоны 12 айлын орон сууц, 

•  Ганзамчин хорооллын 5 айлын орон сууцнуудад биет үзлэг хийж, үзлэг хэмжилтийг нэгтгэн холбогдох дүгнэлтийг боловсруулах ажил хийгдэж байна. Дүгнэлтийн үндэслэж дээрх барилгуудыг цааш үргэлжлүүлэх, нураах, дахин төлөвлөх зэрэг арга хэмжээг авах юм.

Дэлгэрэнгүй мэдээлэл авах эх сурвалж: 

Барилгын асуудал хариуцсан ахлах мэргэжилтэн Б.Дэлгэрдалай 

 Цахим шуудангын хаяг: govisumber@gazar.gov.mn

Утас: 88087495