Монгол Улсын Бүсчилсэн хөгжлийн бодлогын хүрээнд улсын төсвийн 44.8 тэрбум төгрөгийн хөрөнгө оруулалтаар Төв аймгийн Аргалант сумаас Баянцогт чиглэлийн 26.7 км хатуу хучилттай авто зам, 36 метр урт төмөрбетон гүүрийн барилгын ажлыг эхлүүллээ. Энэхүү арга хэмжээнд УИХ-ын гишүүн Ж.Батжаргал, Аймгийн Засаг даргын орлогч Б.Батбаатар болон холбогдох албаны хүмүүс оролцлоо. Авто замын барилгын ажлын гүйцэтгэгчээр "Хурдын зам" ХХК ажиллах бөгөөд 2027 онд багтаан ашиглалтад оруулах юм.