Нийслэлийн Онцгой байдлын газар, Улаанбаатар хотын Ус сувгийн удирдах газар хамтын ажиллагааны санамж бичиг байгууллаа. Санамж бичгийн хүрээнд гал түймэр унтраах ажиллагааны үед гал унтраах автомашинуудыг тасралтгүй усаар хангах, усны эх үүсвэрүүдийн ашиглалтын бэлэн байдлыг хангах, иргэдийн амь нас, эрүүл мэнд, эд хөрөнгийг хамгаалах, болзошгүй гал түймрийн аюул, хохирлыг бууруулах, гал унтраах зориулалтын автомашинууд ус авах боломжтой ус түгээх цэгүүдийн судалгаанд тодотгол хийж, тэдгээрийн тоог үе шаттай нэмэгдүүлэх, засвар үйлчилгээг тогтмол хийх зэрэг ажил, арга хэмжээг хамтран хэрэгжүүлэх юм.