Монополын эсрэг газрын “Хэрэглэгчийн мэдээллийн 115 төв”-д өнгөрсөн сард нийт 294 иргэн хандсан байна. Үүнээс 248 иргэнд зөвлөгөө мэдээлэл өгч, 6 иргэний гомдол, мэдээлэл судлагдаж хариу өгөхөөр хүлээгдэж, 3 иргэний гомдлыг өргөдлөөр оруулан, 9 иргэний гомдлыг санал, хүсэлтээр хүлээн авч, 3 иргэний гомдлыг хариуцсан салбарт шилжүүлж, 25 иргэний 13.813.000 төгрөгийн хохирол барагдууллаа. 

Ирүүлсэн гомдлыг салбараар нь авч үзвэл худалдаа, үйлчилгээ 113, банк, санхүү даатгал 16, барилга 11, боловсрол 3, контор 4, нийслэл 2, нөат 1, өрсөлдөөн 1, сөх 8, тасалбар 3, түрээс 2, харилцаа, холбоо 19, хөдөлмөр, нийгмийн халамж 8, , цахилгаан 2, шатахуун 1, эрүүл мэнд 3, бусад асуудлаар 97 иргэн хандсан байна.