Онцгой байдлын ерөнхий газар Эрчим хүчний яамтай хамтран Гамшгаас хамгаалах команд штабын дадлага сургуулийг энэ оны 6 дугаар сарын 5, 6-ны өдрүүдэд зохион байгуулахтай холбогдуулан аймгийн Онцгой байдлын газраас холбогдох үйл ажиллагааг хэрэгжүүлэн ажиллаж байна. 

Команд штабын дадлага сургуулийн хүрээнд өнөөдөр Хөвсгөл Эрчим хүч ХХК, Хөвсгөл Дулааны станц ТӨХК, Цахилгаан дамжуулах үндэсний сүлжээ ТӨХК-ий харъяа 110/35/6кВ, Мөрөн дэд станцын удирдах бүрэлдэхүүнд “Ослын үеийн удирдлагын тогтолцоо”, “Гамшгаас хамгаалах төлөвлөгөө”, мэргэжлийн ангийн хүн хүч, хэрэгслийг тодотгох, команд штабын сургуулийн нэгдсэн зохион байгуулалтын талаар сургалт, мэдээлэл хүргэн, санал солилцлоо.