Увс аймгйин Өмнөговь сум 1924 онд байгуулагдсан. Засаг захиргааны хувьд 5 багт хуваагддаг Өмнөговь сум нь Увс аймгийн баруун өмнө хэсэгт байрладаг ба нутгийн урд талаараа Ховд аймгийн Мянгад, баруун талаараа Баян-Өлгий аймгийн Баяннуур, зүүн хойд талаараа Ховд сум, Өлгий, Тариалан сумтай тус тус хиллэдэг. Улаанбаатар хотоос 1516 км, Увс аймгийн төвөөс 120 км, Ховд хотоос 125 км, Өлгий хотоос 180 км оршино. Өмнөговь сум нь 2024 оны байдлаар 1170 өрх, 4750 суурин хүн ам, 251094 гаруй толгой малтай сүрэг тоолуулсан ба тус сум нь Увс аймгийн томоохон сумдын нэг юм. Нутаг дэвсгэрийн хэмжээ, газар зүйн байрлал. 314.6 мян.ам.дөр.км газар нутаг эзлэн Увс, Ховд, Баян-Өлгий гурван аймгийн хилийн зааг бэлчирт оршдогоороо давуу талтай, аль ч аймагтайгаа харилцах бүрэн боломжтой. Хөрш зэргэлдээ аймаг, сумд. Баян-Өлгий аймгийн Баяннуур, Ховд аймгийн Мянгад, Эрдэнэбүрэн, өөрийн аймгийн Ховд, Тариалан, Наранбулаг, Өлгий зэрэг 3 аймгийн 7 сумтай хиллэдэг.