2020 онд Соёлын яам шинээр байгуулагдснаар Монгол Улсын Засгийн газрын 2021 оны 168 дугаар тогтоолоор орон нутагт Соёлын хэлтэс байгуулах шийдвэр гарч, аймгийн Засаг даргын 2021 оны А/462 дугаар захирамжаар Соёлын хэлтэс 2 хүний орон тоотойгоор байгуулагдаж даргаар А.Уранчимэг томилогдсон. Соёлын хэлтэс нь Монгол Улсын Засгийн газрын 2021 оны 377 тогтоолоор Соёл, урлагийн газар, болж өргөжин, Соёлын сайдын 2022 оны А/04 тоот тушаалаар бүтэц, орон тоо батлагдаж 2 хэлтэс, 12 албан хаагчидтай, харьяа 9 байгууллагад нийт 102 уран бүтээлчид, соёлын ажилтнууд ажиллаж, иргэд олон нийтэд соёл, урлагийн үйлчилгээг үзүүлж байна. Засгийн газрын 2024 оны 06 дугаар тогтоолоор Соёл урлаг, аялал жуулчлал, залуучуудын газар болсонтой холбогдуулан Аялал жуулчлал сургалт, сурталчилгаа хариуцсан мэргэжилтэн, Залуучуудын асуудал хариуцсан мэргэжилтэн нэмэгдсэн. Аймгийн Засаг даргын 2024 оны 974 дүгээр захирамжаар Залуучуудын ордон манай байгууллагад шилжүүлсэнтэй холбоотойгоор НҮА-аас нийт 13 ТҮ-ийн албан хаагчдыг шилжүүлэн авч 22 албан хаагчтай ажиллаж байна.