Монгол улсын шинэ үндсэн хуулиар баталгаажсан нутгийн өөрөө удирдах байгууллага үүсч хөгжсөний 32 жил боллоо. Иргэдийн төлөөлөгчдийн хурал нь нутгийн удирдлагийн байгууллага болохын хувьд хуулиар хүлээсэн чиг үүргээ хэрэгжүүлж, нийслэлийн иргэд, аж ахуй нэгж, хөрөнгө оруулагчдын нийтлэг ашиг сонирхолд нийцсэн тэдний эрхийг хамгаалж тэмцэхийн төлөө шийдвэр гарган ажилладаг билээ. Ийнхүү нийслэлийн 1,7 сая иргэнийг төлөөлж буй байгууллийн хувьд үйл ажиллагаандаа иргэдийн оролцоог ханган санал хүсэлтийг нь сонсож гомдол шүүмжлэлийг нь хүлээн авч тэднийхээ хүсэл зорилгыг илэрхийлж ажиллахыг эрмэлзэж байна. Мөн нийслэлийн иргэн, ажил олгогч, аж ахуй нэгж эрхлэгч таны төлсөн татвараас бүрдэх төсөв эргээд нийслэлчүүдийн сайн сайхан байдлын төлөө зарцуулагдах ёстой хөрөнгө юм. Тиймээс төсвийн зарцуулалт хөрөнгө оруулалт түүний үйл явцад таны хяналт оролцоог нэмэгдүүлэх, ил од байдлыг сайжруулах зорилгыг бид өмнөө тавин ажиллаж байна. Иймд нийслэлийн ИТХ-с гарч буй албан ёсны мэдээлэл, тогтоол, шийдвэрийн мэдээлэлтэй шуурхай хүргэж байх манай цахим хуудас нийслэлийн иргэн бүрийн мэдэх эрхийг хангаж иргэний оролцоог нэмэгдүүлнэ гэдэгт итгэж байна.