Хэнтий аймаг дахь Шүүхийн шийдвэр гүйцэтгэх газар-419 дүгээр нээлттэй хорих ангийн БНМАУ-ын Сайд нарын зөвлөлийн 1973 оны 09 дүгээр сарын 21-ний өдрийн 347 дугаар тогтоолоор Хэнтий аймагт Засан хүмүүжүүлэх колони нэртэй анх зохион байгуулж ажиллахыг НАХЯ-д даалгасны дагуу 1972 оны 11 дүгээр сарын 05-ны өдрийн 0699 дүгээр тушаалаар 1973 оны 11 дүгээр сарын 01-ний өдөр Хэнтий аймгийн Өмнөдэлгэр суманд барилгын колони нэртэйгээр чанга дэглэмтэйгээр анх байгуулж, 1978 оны 09 дүгээр сарын 01-ний өдрийн Нийгмийн аюулаас хамгаалах яамны сайдын 608 дугаар тушаалаар Хэнтий аймгийн Биндэр суманд жирийн дэглэмтэйгээр шилжүүлэн суурьшиж байгаад Сайд нарын зөвлөлийн 1983 оны 04 дүгээр сарын 29-ний өдрийн “Засан хүмжүүжүүлэх хөдөлмөрийн колонийг нүүлгэж суурьшуулах тухай” 133 дугаар тогтоолоор Хэнтий аймгийн Өндөрхаан хотод шилжин ирснээр өнөөдрийг хүртэл үйл ажиллагаагаа явуулж байна. Шүүхийн шийдвэр гүйцэтгэх ерөнхий газрын даргын тушаалаар 1999 оны 11 дүгээр сарын 10-ны өдрийн А/169 дүгээр тушаалаар Шийдвэр гүйцэтгэх тасгийг Хорих 419 дүгээр ангитай нэгтгэн Шүүхийн шийдвэр гүйцэтгэх алба болгон зохион байгуулсан. Монгол Улсын Засгийн газрын 2017 оны 07 дугаар сарын 04-ний өдрийн 204 дүгээр тогтоолоор Шүүхийн шийдвэр гүйцэтгэх ерөнхий газрын харьяа Хэнтий аймаг дахь Шүүхийн шийдвэр гүйцэтгэх газар-419 дүгээр нээлттэй хорих анги болж нэршил өөрчлөгдөж, тусгай болон энгийн зэрэглэлд хорих ялыг эдлүүлж байна.