Манай байгууллага нь 1990 оны 8 сарын 1-нд Улаанбаатар хотын харьяа Лүн хотхоны ашиглалтын өмнөх захиргааны салбарын нэг нь болж байгуулагджээ. 1991 он-УБ хотын Баянтал хорооны хүний их эмчийн салбар гэж ажиллаж байсан бол 2002- оноос ГСА-ийн Баянтал сумын эмнэлэг нэртэйгээр үйл ажиллагаагаа явуулж байна. Сумын 1179 хүн ам ба төмөр замын, отрын болон улирлын чанартай ажил үйлчилгээ эрхлэгч оршин суугчдад эмнэлгийн анхан шатны болон эрүүл мэндийн тусламжийг үзүүлж ажилладаг. Манай эмнэлэг нь 10 ортой, жилд дунджаар / давхардсан тоогоор/ 9000 гаруй хүнд урьдчилан сэргийлэх эмчилгээ оношилгооны тусламж үзүүлж 270-300 хүн хэвтэн эмчилж, 19 ажилтан, ажилчидтай сумын эрүүл мэндийн төвийн стандартаар үйл ажиллагаагаа явуулж байна. Эмчилгээ үйлчилгээндээ улсын стандартыг мөрдөж, үйлчлэх хүрээний хүн амд сумын эмнэлгийн тусламж үйлчилгээг жигд хүртээмжтэй хүргэх зорилго тавин ажиллаж байна. Зайлшгүй шаардлагатай тоног төхөөрөмж, эм тариагаар 98 % хангагдан ажилласанаар ард иргэдэд үзүүлэх эмчилгээ үйлчилгээний чанар дээшилж, эмнэлэг иргэдийн хоорондын харилцаа сайжирч байна. Эмнэлгийн ажилчидын 80% • нь давхар мэргэжил эзэмшсэн, мэргэжилээрээ 20-с дээш жил ажилласан мөн ажил мэргэжилээрээ хөрвөх чадвартай хамт олноороо баг болон ажиллаж байна.