Монгол улсын ерөнхийлөгч У. Хүрэлсүхийн санаачилсан “Цагаан алт” Үндэсний хөдөлгөөний хүрээнд Улсын Их Хурлаас баталсан “Малын гаралтай түүхий эдийг боловсруулах үйлдвэрийг дэмжих зарим арга хэмжээний тухай” 63 дугаар тогтоолын хэрэгжилтийг эрчимжүүлэх, оролцогч талуудын хариуцах арга хэмжээ, төлөвлөлт, санхүүжилт, уялдаа холбоог хангах асуудлаар өнөөдөр танхим болон цахимын уулзалт, хэлэлцүүлгийг зохион байгууллаа.

 

 

Уулзалтад аймгийн Засаг дарга С.Мөнхчулуун болон Засаг даргын Тамгын газрын Хөгжлийн бодлого төлөвлөлт, хөрөнгө оруулалтын хэлтэс, Хүнс, хөдөө аж ахуйн газар, Татварын газар, Байгаль орчны газар, Стандарт хэмжил зүйн хэлтэс Дундговь дахь Монгол банк, Их-Онь ХХК-ийн удирдлага болон төлөөлөгчид оролцов.