Тэрбум мод үндэсний хөдөлгөөнийг эрчимжүүлэх ажлын хүрээнд аймгийн Байгаль орчны газраас тарьц суулгацын үзэсгэлэн худалдааг аймгийн төв талбайд зохион байгуулж байна. Үзэсгэлэн худалдаанд тарьц суулгац бэлтгэдэг таван аж ахуйн нэгж, дөрвөн иргэн 20 гаруй төрлийн мод, 10 төрлийн мандлын болон тасалгааны цэцгийн болон нарийн ногооны үрсэлгээг худалдаалж байна. Сүхбаатар аймаг 2030 он хүртэл 10 сая мод тарина. Үүнд иргэн, ААНБ бүгд оролцох бөгөөд ялангуяа айл өрхийг хашаандаа, ойр орчимдоо гэр бүлийнхээ гишүүдийн тоогоор мод тарих ёстой.