Орхон аймгийн Засаг даргын тамгын газар, Соёл, урлаг, аялал жуулчлал, залуучуудын газар, Нийтийн номын сан, Боловсролын газар хамтран 37 дахь удаагийн номын баярыг зохион байгууллаа. Номын баярын үеэр хамгийн их ном уншсан ЕБ-ын сургуулийн анги хамт олон болоод идвэхтэн уншигчид “Тэргүүний уншигч Д.Нацагдорж тэмдэгтэн” шагналыг өгсөн юм. Энэ удаагийн тэргүүний уншигчаар 91 насыг зооглож буй Л.Бямбацэрэн гуай тодорсон юм. Тэрбээр өдөр бүр номын санд очиж ном уншдаг хэвшилтэй юм.