Тус төсөл нь Монгол улсын хэмжээнд 5 аймгийн 29 сумдад хэрэгжиж байгаа бөгөөд төслийн хэрэгжилтийн явцыг үнэлэх, мониторинг хийх тус арга хэмжээнд Шивээговь сумын ЕБС нь маш амжилттайгаар оролцож, үр дүнгээ танилцууллаа. Сургуулийн хэмжээнд 2020 оноос хойш 13 ESEL ангийн 274 суралцагчийг тус төсөлд хамруулан хувь хүний ур чадвар энтрепренершипийн боловсрол олгосон бөгөөд тэднээс 18 багийн 65 орчим суралцагчид бизнес санаагаа төсөл болгон хэрэгжүүлж, Японы ХИС-аас 15 төсөл, сумын засаг даргын үйл ажиллагааны хөтөлбөрөөс 2 төсөл, аймгийн Боловсролын газраас 1 төсөл санхжүүлт авч, нийтдээ 45,6 сая төгрөгийн хөрөнгө оруулалтыг авч чаджээ.