Монополын эсрэг газрын Баянхонгор аймаг дахь улсын байцаагч Б.Анухатан төрийн байгууллагын эрх зүйн хөтөч нарыг чадавхжуулах цахим сургалтыг энэ сарын 27-ны өдөр зохион байгууллаа. Сургалтаар "Хүнсний хяналт, нийтлэг зөрчил", "Баримт бичиг боловсруулах", "Өргөдөл гомдол бичих аргачлал" зэрэг сэдвээр хууль эрх зүйн сургалт, мэдээлэл хүргэж, албан хаагчдын сонирхсон асуултад мэргэжил арга зүйн зөвлөгөө өглөө. Цахим сургалтад аймаг, сумдын төрийн захиргааны байгууллагын төлөөлөл болон Эрүүл мэндийн төв, Ерөнхий боловсролын сургуулийн 70 гаруй эрх зүйн хөтөч нар хамрагдлаа.