Казах үндэсний хаврын баяр Наурызын баярыг тохиолдуулан жил бүр уламжлал болгон зохион явуулдаг “ЖІГІТ СҰЛТАНЫ-2025” уралдаан сүүлийн жилүүдэд мартагдсан билээ. Иймд үндэсний өв соёлыг сурталчилсан уралдааныг Баян-Өлгий аймгийн Засаг даргын Тамгын газар, аймгийн Соёл, урлаг, аялал жуулчлал, залуучуудын газар, Б.Ахтаны нэрэмжит аймгийн төв номын сантай хамтран зохион байгуулна.
Уралдааны зорилго: Ард түмний дундаас авьяас чадвартай, өөртөө итгэлтэй залуучуудыг таниулах, үндэсний өв соёлыг хойч үедээ өвлүүлэн үлдээх, түгээн дэлгэрүүлэхэд оршино.

Зохион байгуулагч: Баян-Өлгий аймгийн Засаг даргын Тамгын газар, аймгийн Соёл, урлаг, аялал жуулчлал, залуучуудын газар, Б.Ахтаны нэрэмжит аймгийн төв номын сан

Хэзээ : 2025 оны 03 дугаар сарын 16-ны өдөр 18:00 цагт

Хаана: М.Хурманханы нэрэмжит Хөгжимт Драмын Театрт

Уралдааны журам:
1. Оролцогчдын товч танилцуулга - 3 мин
2. Авьяас чадвар (гоц үзүүлбэр) - 3 мин
3. Үндэсний хувцасны зохицол (үндэсний хувцасны үзүүлбэр) - 2 мин
4. Өв соёл, ёс заншлын тухай асуулт (сугалааны журмаар явагдана) - 3 мин
5. Гар барилдаан, гир өргөх (аль нэг нь)
6. Гар урлал (тусгай даалгавар қамшы өру) - 5 мин
7. ДАРТС /Нысана көздеу/ - 3 мин

Оролцогчдод тавигдах шаардлага:
1. Зоригтой, ухаантай, өөртөө итгэлтэй 16-30 насны залуучууд
2. Үндэсний хувцасны зохицол
3. Тайзны соёл, хувцаслалт

Бүртгэл: Оролцогчдыг 2025 оны 03 дугаар сарын 06-ны өдрөөс эхлэн Б.Ахтаны нэрэмжит аймгийн төв номын санд бүртгэнэ.

Шагнал:
Гранпри: ӨРГӨМЖЛӨЛ, мөнгөн шагнал
1-р байр: ӨРГӨМЖЛӨЛ, мөнгөн шагнал
2-р байр: ӨРГӨМЖЛӨЛ, мөнгөн шагнал
3-р байр: ӨРГӨМЖЛӨЛ, мөнгөн шагнал
Тусгай байр: ӨРГӨМЖЛӨЛ, мөнгөн шагнал

Мэдээлэл авах утас: 95425353, 88779952, 99413599