Шүүхийн шийдвэр гүйцэтгэх ерөнхий газрын харьяа 417 дугаар нээлттэй хорих анги алба хаагчдын хөгжлийг дэмжих, хүмүүжигчдийг нийгэмшүүлэх, хөдөлмөрийн дадал олгох, суллагдсаны дараа бие даан амьдрах чадвар, төлөвшлийг төлөвшүүлэх зорилгоор Баянгол дүүргийн Насан туршийн суралцахуйн төвтэй хамтран гар урлалын сургалтад хамрууллаа. 

Энэ хүрээнд 8 алба хаагч, 25 хүмүүжигч лааны болон гипсэн урлал, тосон саван, ванны бөмбөлөг, өрөөний үнэртүүлэгч, ипокси буюу шингэн шилэн урлал, давсан урлал, нэхмэл буюу сүлжмэл гутал үйлдвэрлэлийн сургалтад хамрагдаж, 8 нэр төрлийн 310 ширхэг бүтээлийг урлалаа. 

Тус ангиас цаашид алба хаагчид болон хүмүүжигчдэд мэргэжлийн болон ур чадвар олгох сургалтыг тогтмол зохион байгуулахаар төлөвлөж байна.