Улаанбаатар хот дахь гаалийн газрын хурлын танхимд 2025 оны 04 дүгээр сарын 15-ны өдөр Гаалийн байгууллагын ахмадын нэгдсэн хурал боллоо. Тус хуралд гаалийн байгууллагын зарим удирдах албан тушаалтнууд болон гаалийн байгууллагаас өндөр насны тэтгэвэрт гарсан 289 ахмад гаальчин оролцсоноос 156 нь танхимаар, 133 нь цахимаар хамрагдлаа. Энэ нь нийт ахмад гаальчдын 53 хувийг эзэлж байна. Хурлаар “Гаалийн байгууллагын ахмадын холбоо” ТББ болон холбооны дүрмийн төсөл боловсруулах асуудлыг хэлэлцлээ.