Японы нэрт зохиолч, пост модерн утга зохиолын гарамгай төлөөлөгч Мүраками Харүкигийн зохиол, бүтээлүүдэд дурдагддаг хөгжмүүдээс бүрдсэн 2 удаагийн тоглолт амжилттай зохион байгуулагдлаа.

“1Q84”, “Өнгөгүй Тазаки Цүкүрү ба түүний эргэлтийн он жилүүд”, “Торгон цэргийн хороон даргын аллага” зохиолуудад дурдагддаг - Л.Яначек, Ф.Лист, В.А.Моцарт, Л.В.Бетховен зэрэг дэлхийн суут хөгжмийн зохиолчдын сор бүтээлүүдийг энэ 2 өдөр үзэгч, сонсогчдынхоо өмнө Улсын Филармонийн Симфони Оркестр тайзнаа амилууллаа.

Тоглолтыг санаачлагч “Номын соёлт ертөнц” ТББ, Монгол - Японы утга зохиолын нийгэмлэг, дэмжигч Боловсролын яам, Улаанбаатар хотын хөгжлийн корпораци ХК, Монсудар хэвлэлийн газар, Нэпко хэвлэлийн газруудад чин сэтгэлийн талархал илэрхийлье.

Хүрэлцэн ирсэн үзэгч, сонсогч, уншигчдадаа мэхийн ёсолъё.