Төрийн нарийн бичгийн дарга Л.Мөнхтүшиг 2025 оны 4 дүгээр сарын 17-ны өдөр Бүгд Найрамдах Тажикистан Улсын Гадаад хэргийн дэд сайд Шарифзода Фаррух Хомиддин-тай цахим уулзалт хийв.

Талууд хоёр улсын уламжлалт найрсаг харилцаа, хамтын ажиллагаа өнгөрсөн 30 гаруй жилийн хугацаанд тогтвортой хөгжиж, дээд, өндөр түвшний яриа хэлэлцээ идэвхжиж буйд сэтгэл хангалуун байгаагаа илэрхийлээд цаашид худалдаа, эдийн засаг, хөдөө аж ахуй, соёл, аялал жуулчлалын салбарт хамтын ажиллагааг эрчимжүүлэхээр санал нэгдэв.