2025 оны 4 дүгээр сарын 28-ны өдрөөс хойш Сэлэнгэ аймгийн Зүүнбүрэн, Хушаат, Ерөө, Түшиг, Цагааннуур сумдын нутагт гарсан ой хээрийн түймэр олон мянган га талбайг хамарч, айл өрх, аж ахуйн нэгжүүд ихээхэн хохирол амсаад байна. УИХ-ын гишүүн Ч.Ундрам Монголын Улаан Загалмайн Нийгэмлэгт хүсэлт гаргасны дагуу өнөөдөр Сэлэнгэ аймгийн Засаг дарга Н.Лхагвадоржийн хамт ой хээрийн түймрийн гамшигт нэрвэгдсэн 6 өрхөд нэн шаардлагатай ахуйн хэрэглээний зүйлсийг гардуулан өгч, сэтгэлийн дэмжлэг үзүүллээ.