АБТА, Монгол хэл бичгийн багш Хайдавын Гончигринчин агсны нэрэмжит “Эрдмийн хишиг” аян 17 дахь жилдээ Цогт-Овоо суманд зохион байгуулагдаж өндөрлөлөө. Монгол хэл бичгийн багш нарыг чадавхжуулах, заах арга зүй, туршлагаа солилцох, багш сурагчдын мэдлэг чансааг сорих зорилгоор зохион байгуулагддаг билээ.
Аянд МУ-ын хэл шинжлэлийн ухааны доктор, профессор Ш.Баттөгс, Д.Ганболд, дэд профессор Г.Гэрэлмаа нар уригдан ирж оролцов. Аймгийн 17 сургуулиас 250 гаруй багш, сурагчид оролцож мэдлэг, ур чадвараа сорин өрсөлдөж шилдгүүд тодорсон байна.
“Эрдмийн хишиг” 17 дахь удаагийн аян нь Монгол хэлний тухай хуулийн дагуу төрийн албан хэргийг хос бичгээр хөтлөх болсонтой холбоотойгоор “Өсөлттэй Өмнөговь”, “Чадварлаг багш” хөтөлбөрийн хүрээнд сурагчдын үндэсний бичгийн чадварыг дээшлүүлэх, багш нарын мэргэжлийн заах арга зүйг сайжруулахад чиглэсэн томоохон арга хэмжээ боллоо.
