Өмнөговь аймгийн Засаг даргын “Өсөлттэй Өмнөговь” хөтөлбөр, “Говийн ирээдүй хүүхэд” хөтөлбөрийн хүрээнд ерөнхий боловсролын сурагчдын дунд англи хэл дээрх илтгэлийн уралдаан 2 дахь жилдээ зохион байгуулагдаж байна. 

Уралдааны зорилго нь сурагчдын англи хэлний мэдлэг, чадварыг дээшлүүлэх, говь нутгийн хөгжлийн төлөөх хүсэл зорилго, дуу хоолойг сонсох юм. Уралдааны 1-р шат ерөнхий боловсролын сургуулиуд дээр амжилттай зохион байгуулагдаж, 15 сургуулийн 44 суралцагч 2 дугаар шатанд шалгарч хэлний мэдлэг, илтгэх ур чадвар, мэдлэг оюунаа ийнхүү сорьлоо. 

Дунд ангийн ангилалд: 

1-р байр- Даланзадгад сумын 1-р сургуулийн 9а ангийн сурагч Г.Зулцэцэг

 2-р байр- Даланзадгад сумын 1-р сургуулийн 6д ангийн сурагч Э.Тамир​ 

3-р байр- Даланзадгад сумын 2-р сургуулийн 8а ангийн сурагч М.Энхжаргал ​ 

Тусгай байр- Даланзадгад сумын 5-р сургуулийн 8а ангийн сурагч Г.Янжинлхам ​ 

Тусгай байр- Цогтцэций сумын 2-р сургуулийн 9б ангийн сурагч Ц.Мөнхзаяа​ 

Ахлах ангийн ангилалд:

 1-р байр- Даланзадгад сумын 3-р сургуулийн 12в ангийн сурагч Б.Маралжин​ 

2-р байр- Даланзадгад сумын 1-р сургуулийн 10а ангийн сурагч Б.Мишээл

 3-р байр- Даланзадгад сумын 1-р сургуулийн 12а ангийн сурагч Г.Биндэръяа​ 

Тусгай байр- Даланзадгад сумын 2-р сургуулийн 11б ангийн сурагч Б.Мишээл 

Тусгай байр- Ханбогд сумын 1-р сургуулийн 11б ангийн сурагч Б.Баяржаргал нар шилдэгээр шалгарлаа. Илтгэлийн уралдаанд бусдыгаа манлайлж түүчээлсэн оюунлаг сурагчдадаа баяр хүргэе. 

Илтгэлийн уралдааныг шүүгчээр ✓ Salome Schenk Швейцари улсын иргэн англи хэлний багш ✓ Н.Алтаннавч Насан туршийн боловсролын төвийн англи хэлний багш ✓ А.Баттуул “Глобал пасспорт” төвийн захирал нар хамтран ажиллалаа. Илтгэлийн уралдааныг шүүн дүгнэсэн эрхэм шүүгчид болон сурагчдаа амжилттай бэлтгэж оролцуулсан англи хэлний багш нарт талархал илэрхийлье.